தமிழகத்தில் ஒருவர் உட்பட இந்தியாவில் மேலும் மூவருக்கு கொரோனா வைரஸ் தொற்று இருப்பது கண்டுபிடிக்கப்பட்டுள்ளது. இதன் மூலம் இந்தியாவில் இந்த நோய் தொற்றியவர்கள் எண்ணிக்கை 34 
தமிழகத்தைச் சேர்ந்த நபர் ஒருவருக்கு கொரோனா இருப்பதை மத்திய சுகாதார அமைச்சகம் உறுதிப்படுத்தியுள்ள நிலையில், பாதிக்கப்பட்ட நபர் 'ஏசிம்ப்டமாட்டிக்' (Asymptomatic) நிலையில் இருக்கிறார் என தமிழக சுகாதார துறை அமைச்சர் விஜயபாஸ்கர் தெரிவித்துள்ளார்.
* ஏசிம்ப்டமாட்டிக் நிலை என்றால் என்ன?
பாதிக்கப்பட்ட நபரிடம் ஆரம்ப கட்டடத்தில் முழுமையான அறிகுறிகள் தென்படாது. ஆனால் நோய் தொற்று கிருமி அவரது உடலில் இருக்கும். பாதிக்கப்பட்டவரின் நோய் எதிர்ப்பு சக்தி அவரை ஒரு சில நாட்கள் வரை காப்பாற்றும். ஆனால் நோய் கிருமி அவரது உடலில் இருப்பதால், அவரால் பிறருக்கு நோய் பரவும் அபாயம் உள்ளது. நோய் எதிர்ப்பு ஆற்றல் குறைந்தவர்கள் அவரோடு, தொடர்பில் இருந்தால், அவரது கைகள், சளி அல்லது எச்சில் படுவது போன்ற சூழலில் இருந்திருந்தால், மக்கள் நோயாளியாகும் வாய்ப்புள்ளது.
கொரோனா பிரச்சனை தொடங்கிய பிறகு இதுவரை வெளிநாடுகளில் இருந்து தமிழகம் வந்தவர்கள் 1077 பேர். தமிழகம் முழுவதும் தத்தமது வீடுகளிலேயே வைத்து அவர்கள் கண்காணிக்கப்பட்டனர். அவர்களில் யாருக்கும் கொரோனா தொற்று இல்லை என உறுதிசெய்யப்பட்டது.
